火鍋本色 (已結業)

寻晚喺西环收工，呢几日得十度八度，打边最啱。朋友住西环，介绍咗呢间餐厅，好近地铁。餐厅装修怀旧有特色，气氛同西环一样几舒服自在，亦坐得好舒服。嗌咗蕃茄仔猪骨汤，个汤我地最尾每人饮咗起码两碗因为蕃茄味同猪骨味都真系好浓好好饮饮完冇觉得口渴，应该冇味精啦，连汤渣都其实几好食其他食材亦都好新鲜，好似平时呀妈即日喺街市帮你拣过哂𠮶种，最钟意系牛颈脊同黑豚腩肉，因为肉质真系好靓，灯照落唻有光泽，肉味好浓。黄沙猪膶切得好薄好易熟，爽得唻又粉粉地，野生竹笙亦好鲜好爽口多汁。呢几样系下次唻食我会再嗌嘅。平时打边炉都会有种局促感觉，但呢间真系宁舍悠闲，睇时间先知原来我地食咗好耐 哈哈