心粥館 (已結業)

晏就懶得行噤遠，lunch時間就去咗附近嘅開餐！1個菜飯連熱飲都係 40幾落到樓，都算 ok嘅見到餐牌上面好多配搭都係用果醋豬軟骨，問下侍應先知果醋豬軟骨都算係佢地嘅照牌，而且好多客人食完都會讚不絕口！好奇之下就跟咗風喇當然好多野都係一早已經準備好啦，所以 5分鐘就食得，如果時間真係趕，嚟呢度食個快飯都ok先講咗個飯先，個人覺得菜可以多啲，飯香有，卻欠缺咗菜飯應有嘅菜油香 加上飯粒偏硬有小小扣分份量都有２小碗，1個女仔食，係未必搞得掂，正常男仔就啱啱好喇！果醋豬軟骨果然係酸酸甜甜，兩者之間，比較偏重於甜！個汁用嚟撈飯係幾開胃嘅，會不自覺噤「爬」多幾啖但小心嘅係，因為味濃汁濃，如果一次過落太多，會好甜要睇住分量呀！份量都唔小氣，有４大舊，當中得１舊係有塊小骨！正飲料方面，除咗有普通嘅咖啡茶，仲有水蜜桃汁、紅葡萄柚汁、柑桔蜜等等！我今次就叫咗熱紅葡萄柚汁，偏甜，可能熱同紅葡萄柚汁唔係噤夾，下次都係加２蚊要凍飲好過！Lunch中都唔算多人，服務好，下次想１個人慢慢嘆 lunch都會諗起呢度