Burger Joys (君悅居)

营业中

休息中

上星期约左朋友陪我食靓lunch，行经湾仔揾食时忽然落大雨😥我地急步揾地方避雨既时候见到呢间装修型格走外国风既burger店就决定入试下。入去既时候餐厅都有8成满，铺面唔系好大，主要系高櫈pub型格局，仲有两个大电视。坐底后，睇下餐牌，除左主打既汉堡外仲有沙律薯条鸡翼，又有啤酒奶醋都好多元化。朋友唔系好饿，所以我地点了一个杂箘磨菇汉堡，蒜蓉鸡翼试下。店内有辣鸡翼竞食大赛勇士可以挑战下😈等左一阵店员送上汉堡，店员好细心甘帮忙预先切成2份。馅料都算丰富，磨菇同传既一片片夹落汉堡度唔同，呢度系打成扒再煎香，所以咬落有粒粒磨菇，咸咸地。但面包望上去唔系好吸引，口感太软，同埋有啲感觉馅料既汁令到面包更淋。蒜香鸡翼上枱时有啲惊喜，卖相有啲似泰式鸡翼，蒜蓉配酸酸甜甜既泰式酱，唔觉唔觉食多几只。鸡翼经炸过但内里都保持到嫩滑，不错野食份量都大份，餐厅价钱合理，可以一试。