Match Cafe & Restaurant

营业中

休息中

今日早小小放，黎呢度食返个午餐放松下先，油麻地环境中算唔错，仲有outside，岩哂成日坐office嘅人，呢度应该仲有搅证婚party。午餐有A-G餐，由$39起，加一服务费，每个餐跟餐汤同餐饮一杯，我就选择了个香煎鸭胸薯仔伴红酒汁，先黎个餐汤，系忌廉汤，仲有一小块多士，忌廉汤比较杰身，味道可以，多士太多油，淋左。等左10分钟主菜上枱，卖相几好，鸭胸肉煎得耐左，有小小老，鸭酥味唔算重，薯仔就好入味，无睇过餐牌都估佢唔到系薯仔，好食，红酒汁就味道好淡，不过配左鸭胸之后个鸭胸系好食左，最后奶茶喇，唔系港色茶餐厅味，不过有小小似，几好饮，加$15仲有是日甜品，不过我无加，食完都饱。仲有wifi用，系一个唔错嘅地方。