堂水.啡 (已結業)

今日嚟到位于红磡Soda Mall嘅「堂水·啡」。场内设有打卡位，重有叉电位，咁就唔怕手机冇电，可以慢慢坐，一边叹咖啡，一边㩒手机啦。芝士火腿牛角窝夫呢个窝夫好特别！其实系整成窝夫形状嘅牛角酥，好酥脆。芝士同火腿喺窝夫入面，要切开先见到。芝士热熔左，微咸。加埋火腿更有咬口。隔离重有沙律，有沙律菜同蕃茄蛋沙律。我本身唔钟意蛋沙律，因为有d餐厅d蛋好臭。但呢度完全冇臭味。有d蛋黄酱，入口粉粉地，捞埋落d沙律菜一齐食冇咁dry。蕃茄新鲜多汁。鲁肉饭鲁肉同饭嘅份量成正比，唔会饭多过鲁肉或者鲁肉多过饭。鲁肉有少少肥膏，煮得够腍，加埋少少酱汁，甜甜地，送饭一流！😋系台湾嘅味道，食完好挂住台湾呀～😭黎到「堂水·啡」点可以唔试下咖啡呢？有四款咖啡：黑、啡、白、魁。店员耐心地解释四款咖啡嘅分别。最后我拣左「白」。白，即系Latte。未饮，咖啡嘅香气已经飘入我鼻里，好醒神！饮得出奶嘅微甜，同咖啡嘅微涩好匹配。啡香奶滑。堂水樽仔奶茶细细樽份量啱啱好。奶同茶嘅比例完美，奶令茶更滑，饮得出茶嘅醇香。