La Terrazza Bar & Grill (已結業)

周末约左几个朋友一齐午餐，沙田好食嘅餐厅唔多，所以拣左环境一流嘅La Terrazza试试。午餐嘅价格比晚餐低好多，而且中午嘅景色都唔错，餐厅外面就系沙田公园同城门河，除左好友聚会，都几适合情侣黎撑枱脚。晏昼黎到唔使点等位，不过餐厅都算full。拣左4个set然后大家share黎食，饮品方面不约而同都系要苹果茶，唔算太甜又有苹果香味，几好饮。餐汤系蘑菇忌廉汤，餐包蘸黑醋好好味又健康。主茶就分别有烧春鸡、三文鱼意粉、焦糖苹果猪扒、香煎鱼柳四款。四款主菜卖相都好精致，味道亦都合格。烧春鸡份量好多烧得啱啱好，三文鱼意粉一般，苹果猪扒几特别，甜甜地适合女仔食。鱼柳嘅话一人份量恐怕唔够饱不过整体黎讲，黎呢度食环境都够，食物都系其次。