影片
更多
2021-03-14
548 浏览
今日系一个好悠闲嘅一天，去咗南丫岛行吓，然后行嘅途中其实经过左呢间Cafe两次，咁啱就想揾间Cafe坐下,入去之前仲专登睇吓OpenRice呢间会唔会有蛋糕之类。门口坐咗10几人好热闹。我就打开门入去，系个小朋友招呼我。头先呢个小朋友仲帮手拎咖啡比出边嘅客人添，一个好乖嘅小朋友帮屋企人手。示意一张枱我坐低，之后老板娘就拎咗个牌过嚟，原来个牌系讲喺餐厅入边要安静宁静，净心bb,可能就系头先𠮶个小朋友个名，仲有埋佢张相添搞笑🥸一心谂住食甜品再加饮嘢嘅，我见到原来Menu写住有最低消费，所以都问吓啦，好似80定88左右？咁我就拣咗心太软同埋一个朱古力咖啡，老板娘仲好细心咁提示我心太软已经好甜可以拣一个冇咁甜嘅饮品。咁我就转左抹茶咖啡，反正都啱饮。然后呢都冇一阵老板娘就走返过嚟讲原来冇心太软，当下其实觉得有啲失望🙍🏽♂️因为系除咗心太软之外咩甜品都已经冇晒，任何蛋糕仔都冇啦。得返二人份量嘅窝夫....点食呢..咁就转咗做炸薯条🍟又一阵间见到老板好努力咁冲咖啡比出边嘅客人，都唔算耐嘅时间亦都轮到我杯抹茶咖啡。我心谂早知叫返朱古力咖啡啦都冇咗心太软🥲不过唔紧要啦..然后冇几耐我嘅炸薯条都到啦，等嘢
门口坐咗10几人好热闹。我就打开门入去，系个小朋友招呼我。头先呢个小朋友仲帮手拎咖啡比出边嘅客人添，一个好乖嘅小朋友帮屋企人手。
示意一张枱我坐低，之后老板娘就拎咗个牌过嚟，原来个牌系讲喺餐厅入边要安静宁静，净心bb,可能就系头先𠮶个小朋友个名，仲有埋佢张相添搞笑🥸
一心谂住食甜品再加饮嘢嘅，我见到原来Menu写住有最低消费，所以都问吓啦，好似80定88左右？
咁我就拣咗心太软同埋一个朱古力咖啡，老板娘仲好细心咁提示我心太软已经好甜可以拣一个冇咁甜嘅饮品。咁我就转左抹茶咖啡，反正都啱饮。
然后呢都冇一阵老板娘就走返过嚟讲原来冇心太软，当下其实觉得有啲失望🙍🏽♂️因为系除咗心太软之外咩甜品都已经冇晒，任何蛋糕仔都冇啦。得返二人份量嘅窝夫....点食呢..咁就转咗做炸薯条🍟
又一阵间见到老板好努力咁冲咖啡比出边嘅客人，都唔算耐嘅时间亦都轮到我杯抹茶咖啡。我心谂早知叫返朱古力咖啡啦都冇咗心太软🥲不过唔紧要啦..
然后冇几耐我嘅炸薯条都到啦，等嘢食嘅时间都唔算耐，可能我叫嘅嘢都好简单。
环境呢都几好嘅，有陶笛音乐做背景，仲要系老板出手虽然只系播放😂睇得出亦都感受到个老板应该都好钟意音乐。热爱添。然后都有一啲嘅陶笛买卖品，钟意嘅人真系值得一去嘅。
整体来讲嘢食卖相都几好，不过我杯嘢饮个心心好似唔系好见到，变咗一堆野咁，最明显嘅就系老板lee 个字😅
老板娘好有礼貌。因为佢哋本身要求间餐厅系要宁静，所以佢哋咁岩厨房𠮶边有啲嘢坏咗要整理，我专登走过来同我讲声，怕会嘈亲我。
走之前借埋厕所，环境上有啲狭窄，不过咁样比较起来都唔算系我去过最窄嘅餐厅嘅厕所。
嘢食好唔好味，普通炸薯条姐，如果咁样都难食就好惨。咖啡正常，冇特别。
礼貌评分10分。温馨提醒如果想揾间Cafe坐下吹吓水嘅话，记得要坐出边
$108
30 浏览
0 赞好
0 留言
张贴
