Bread and Bistro (已結業)

难得放假就发掘一下黄竹坑的餐厅美食😊之前经过One Island South见到哩边有好多靓靓cafe同餐厅，今日就趁住平日放假黎哩边睇下，食个靓早餐😋😋兜左一个圈之后最后都系拣左哩间餐厅，装修靓靓又坐得几舒服，价钱又唔太贵，见到都有几台客，应该都唔错就入左去喇～餐牌好多野都好吸引，有all day breakfast类嘅西式早餐之外，仲有啲茶记类嘅常餐类/日式乌冬嘅早餐，如果响度舒舒服服食个面食其实都几正😝我拣左好耐，最后拣左个餐牌有图嘅牛油果三文鱼三文治，早餐可以跟普通咖啡/奶茶☕️首先黎杯提神咖啡，孤寒嘅我冇加钱叫cappuccino果啲，就咁叫杯普通咖啡加奶，又比我想像嘅好饮㖞～虽然淡淡地，但系加左奶之后我仍然可以饮到淡淡嘅咖啡果香味，唔会比啲奶味盖过原本咖啡的香味，而且一啲都唔苦，完全唔使落糖，啱晒我哩啲唔钟意饮斋啡嘅人☺️到我个早餐喇～其实哩类食品都冇咩也可以出错。沙律菜几新鲜，同埋我好钟意个沙律汁，清清地又甜甜地😋😋牛油果’酱‘好滑，不过冇咩味；块面包有啲干，虽然有烘过，但系冇咩香味；烟三文鱼系冇咩特别，中规中矩正正常常咁啦望落去好似唔系好多野咁，食完之后发现原来都几饱肚，好