Espuma (H8) (已易手) 新餐厅

呢间系楼上铺黎嘅，简约装修风格，对于情侣、姐妹小聚聊天或者一个人想静静地坐叹下午茶，都系个唔错嘅选择。流心软芝士麻糬厚松饼，见到menu上面咁大个图，好吸引，我谂呢个都算系招牌甜品，忍唔住点左一个。味道偏淡，呢个饼有啲名过于实，完全唔流心，芝士味亦不足。焦糖单骨鸡翼香甜嘅焦糖包裹住鸡翼，鸡皮少少脆好香加上甜甜的糖，系个不错的小食，要注意上菜之后快啲食，冻左的话啲糖会硬。香煎带子配牛油果酱芒果及莎莎带子鲜甜，不过加埋啲牛油果就唔系好夹，加埋下面嘅芒果就更奇怪。饮品叫水蜜桃茶，清淡嘅水蜜桃味，几清新，而且下面有个小火keep住茶嘅温度，感觉不错。整体黎讲，环境悠闲，坐得舒适，不过食物质素就还好。