夏捌月 (已結業)

之前系荃湾试过名捌月，今日系元朗经过见到佢嘅另一间分店，所以决定入黎试下😋舖头里面依旧有好多Marvel’s 英雄系列嘅画同埋摆设。餐厅唔系好大间，但系坐落都舒服。Lunch Set 都有好多唔同嘅选择，好多睇落都唔错！最后我叫左个「烤大啡菇牛肉芝士汉堡」，朋友就叫左「吉列芝士鱼柳汉堡」。餐汤我地都叫左酥皮罗送汤。酥皮焗到好香，汤都好足料，有好多汤嘅配料食。烤大啡菇牛肉芝士汉堡：主菜我就叫左依个汉堡食。大啡菇个味好出，但牛肉就逊色少少。吉列芝士鱼柳汉堡：朋友叫嘅汉堡，鱼柳炸得唔错，几香口。薯角都食落唔太漏。樽仔奶茶&咖啡：嘢饮方面，依只茶都系餐厅特色，味浓唔太甜，不错！总括而言，餐厅环境不错，食物价钱相宜，还可以。