新竹源越南餐廳 (已結業)

系某个星期六，本来放假，因为应承左要陪男朋友食午饭，所以返去湾仔找他一齐食lunch...见佢放工好累，都唔想落铜锣湾寻食了，我一谂起就去呢间野食越南野。平时极少去呢间，因为永远系排长龙，连个门口都望唔到个只，今次难得无咩人咪去试下啰。原来个舖头系劲细的，唔怪得d人等极都有啦。男朋友叫左个沙爹牛肉饭，我叫左个三丝捞檬。首先讲个沙爹牛肉饭啦，个卖相无乜特别，个感觉有d似去大家乐食柱候饭咁，第一个印象唔太好，但食落又ok㖞，首先d牛肉食极都有，还以为佢下面个d全是芽菜托底，原来有很多牛肉，d汁有d椰子味，但我比较好辣少少，如果可以多d辣会好d。到我个捞檬，一向食越南面都会看看他们有咩捞檬，呢间都算多款o既，热热地天气，食酸野至醒胃。其实都包无走鸡，都好难会唔好味，除非d配搭唔o岩自己。三丝有鸡丝、扎肉丝和蛋丝，上台时个碗都好吓人，因为都几大碗，2个女仔可以share，闷热天气至o岩食呢款！价钱方面，我觉得都唔系平o架，$3x-$4x，对于打工仔来讲，lunch算贵了。