Coffeeholic (已結業)

星期六谂住去食个下午茶，但原来假期佢只有单点，无下午茶餐。餐厅唔大，下层得五张枱，不过都算好坐。吞拿鱼三文治($98)。除咗三文治仲有沙律。份量都几大，都算足料 ，有菜有蕃茄。热狗($98)。一定要热辣辣咁食。沙律有几粒腰果，提高性价比。焦糖洋葱好好味，令成只热狗加分不少。Flat white($36)。够香够奶，但系嫌无令到个口有好香嘅 aftertaste。紫薯 latte ($55)。底层咖啡同flat white差唔多味，只不过系上面有层大约0.5 cm嘅紫薯奶泡，令杯咖啡唔落糖都有甜甜地嘅味。总结系，如果人少少想叹下咖啡都系一个唔错嘅地方。