慢煮工業 (已結業)

今晚相约朋友食饭，其中一个朋友话呢间既卖点系一块牛会用8小时，慢慢煮，咁同行无人反对就去左呢间喇。啲餐具好靓，个环境好岩几个朋友聚下旧，倾吓计。首先一人一枝手工啤，我本身唔系好饮酒，所以带咗枝甜啲嘅酒黎试吓。我𠮶枝系北欧杂莓手工啤，好甜，好少酒味，好好饮。呢个芝士包都几好食，啲包好软熟，芝士嘅份量其实都几多嘅，不过我呢个芝士怪就觉得唔够芝士。前面系西冷，点左两人份量。好香牛肉味，好腍，唔会整到好韧。后面系猪仔骨，咁岩食左旧无骨，好好味，又系整得好腍。呢个猪鞍好似苹果批嘅味，好清新好特别，都系好好味。最后仲有个薯条，系新鲜炸嘅，如果有芝士就正到爆。