不籽是咖啡 (藝里坊・1號)

营业中

休息中

西环有唔少cafe，呢间采用木系设计，波希米亚风，有室内室外位置，除咗常见嘅咖啡茶类饮品之外，主打多款特色主食。自助形式，先喺出边落单，然后自己斟水攞餐具等店员送餐。选择困难症一点会点All Day Breakfast，有齐黑松露炒蛋、肠仔、牛油果、沙律菜、杂菌、牛角包，另外可以选择要烟肉定三文鱼。五颜六色，味道咸香，份量细细，下午茶食啱啱好。Croffle选择有四款，有甜有咸，半份上，淡淡牛油香气，偏软熟，上面放上满满嘅蟹籽、蟹肉同炒蛋，食落都几嫩，旁边有少量沙律菜，中和整体油腻感。小食有鸡软骨饺子，外皮炸至脆身，皮够薄，馅料饱满，带咬口，值得一试。饮品有椰子奶咖啡同朱古力，前者见唔少人点，饮落香滑，后者偏甜，小朋友口味。