大壹冰室 (已結業)

两口子食左下午茶，又唔系好饿，谂左好耐食咩野好。最后老公话要食西餐，于是就试下呢间。坐低见到隔离台pair情侣碟墨鱼面好似唔错，所以我地两个都叫左碟墨鱼面，仲加左两个小吃，一个田螺同一个瑞士鸡翼，两个人唔太饿份量刚刚好。先黎个墨鱼面，卖相同隔离台差唔多～ 我间唔中就会想食下大虾：p呢只个size都ok! 碟面有好多汁，老公最怕干「憎憎」的，所以佢都好满意。个面煮得刚刚好，唔会太稔或过硬。见到老公个咀乌卒卒的，好彩我又ok冇乜「出界」，哈哈哈！田螺系老公主意，佢话想食薯蓉㖞！个薯蓉有少少脆面，几好。田螺都ok，最钟意倒埋田螺入面d牛油汁出黎食，好香！最后就系瑞士鸡翼！我平时都钟意食鼓油/ 卤水，炸嘅反而冇咩兴趣！瑞士汁甜甜地更加好味，最紧要系鸡翼够入味，最怕得个颜色唔入味嘅鸡翼，呢个鸡翼有色亦有味，good。