一起果醬 (已搬遷) 新店位置

适逢复活节长假期兼且无落雨，决定同老婆去西贡hea下。一如既往，我地去咗西贡颇具人气的Let's Jam叹下Brunch同呢间铺最出名的果茶。今次我地点左Egg Benedict Combo，即系Egg Benedict + 烟三文鱼+大啡菇。呢间铺的Brunch比较特别，其他铺的Egg Benedict底用松饼，而Let's Jam系用多士底。虽然有d奇怪，但其实又几夹。整体个Egg Benedict同其他铺差唔多，如果大啡菇焗下会再好d。相反，苹果肉桂汁慢煮猪扒配黑松露薯蓉十分出色，两边煎得香脆，入口未至于即溶，但尚算软滑。苹果肉桂汁衬托下，不会觉得太"留"。配角黑松露薯蓉亦都不错，黑松露味不会太重，饮品方面推介热的果酱茶，这次点了热的苹果果酱茶，苹果香气直扑鼻腔，而且味道清甜，十分推介。