影片
更多
2014-08-12
880 浏览
到咗每个星期日，又系Family Day。本来谂住去返平时饮开𠮶间酒楼，但因为俾人包左场，所以无得饮。谂谂下，反正人又唔多，加上舅父又有揸车。于是一行人就入去西贡科技大学饮茶去到爆多人，公主我拿拿声去攞飞。等咗唔够5分钟，就到我张飞喇！可能细枱多人等，大枱反而无咩人等，所以好快就入得。一坐低就即刻叫嘢食。（话时话，最近公主我几次出去食饭等位时，人系好多，但我等嘅时间又唔洗好耐，真系好彩！）先来凤爪排骨饭同叉烧肠。公主我冇食到个饭，但睇落相当唔错。叉烧肠真系几好味，肠粉皮厚度适中，而且都几滑。叉烧就系一般叉烧啦～蛋挞仔好好味，个皮亦好松化，而且个蛋又会唔太甜。但系个叉烧酥就真系甜咗啲喇，虽则外皮松化但个馅真系甜到有啲怪。沙律虾角同个炸云吞，竟然唔系原只虾，系虾胶？好在个虾角入面都几有汁，抢返好多分；而个云吞亦炸得好好，一啲都唔油腻。饮茶必叫嘅虾饺烧卖就好一般，我专登叫嚟试吓，水准真系一般虾饺甩皮甩骨，冇得原只啪落口；烧卖就算系咁啦，猪肉多过虾都系正常嘅。反而珍珠鸡、鸳鸯金钱肚、凤爪、叉烧包都唔错。美心嘅珍珠鸡一向都系唔差，饭同馅嘅比例刚好，亦有淡淡的荷叶香。个金钱肚真系好冧，而且塾底嘅萝
谂谂下，反正人又唔多，加上舅父又有揸车。于是一行人就入去西贡科技大学饮茶
去到爆多人，公主我拿拿声去攞飞。等咗唔够5分钟，就到我张飞喇！可能细枱多人等，大枱反而无咩人等，所以好快就入得。一坐低就即刻叫嘢食。（话时话，最近公主我几次出去食饭等位时，人系好多，但我等嘅时间又唔洗好耐，真系好彩！）
先来凤爪排骨饭同叉烧肠。公主我冇食到个饭，但睇落相当唔错。叉烧肠真系几好味，肠粉皮厚度适中，而且都几滑。叉烧就系一般叉烧啦～
蛋挞仔好好味，个皮亦好松化，而且个蛋又会唔太甜。但系个叉烧酥就真系甜咗啲喇，虽则外皮松化但个馅真系甜到有啲怪。
沙律虾角同个炸云吞，竟然唔系原只虾，系虾胶？好在个虾角入面都几有汁，抢返好多分；而个云吞亦炸得好好，一啲都唔油腻。
饮茶必叫嘅虾饺烧卖就好一般，我专登叫嚟试吓，水准真系一般虾饺甩皮甩骨，冇得原只啪落口；烧卖就算系咁啦，猪肉多过虾都系正常嘅。反而珍珠鸡、鸳鸯金钱肚、凤爪、叉烧包都唔错。
美心嘅珍珠鸡一向都系唔差，饭同馅嘅比例刚好，亦有淡淡的荷叶香。
个金钱肚真系好冧，而且塾底嘅萝卜亦都好入味又清甜，呢个有encore，大家都抢住食萝卜，正！
凤爪都OK啦，最搞笑系佢塾底嘅系银针粉。但银针粉捞埋凤爪汁嘅味，又估你唔到咁夹㖞！
个叉烧包唔算大只，但公主我最欣赏佢个馅，唔系红到好似落咗苏丹红咁嘅样系自然蚝油嘅深啡色，加上味道唔会太咸，已经赢晒。公主我平时甚少会主动去食叉烧包㗎！
一见有芋角，公主我立即嗌咗三碟，系三碟！公主我系芋角精嚟架，基本只要有芋角，我系无可能唔叫但系呢个芋角就麻麻哋喇，芋头够晒多但无肉。公主我个人觉得芋角个馅点都要有少少肉先好食，好在佢炸得唔油腻。而且可能未系当造啦，芋头亦都唔够香味。虽则系咁，但公主我最后都食咗两只，嘻嘻，算少啦。
公主我最怕食好甜嘅甜品，基本上公主我食甜品系一般女仔嘅一半甜度就够喇。所以我觉得佢嘅甜品超甜！杨枝甘露嘅甘露超甜，柚子又无咩味！芒果布甸直头甜到好似有朕药水味芒果糯米卷个皮就几烟靭，但系个馅又系好甜，得轻微吉士味无芒果味。系得个桂花糕真系有啲桂花嘅香味，又唔会太甜。所以公主我下次唔会再叫佢嘅甜品。
食饱饱，就埋单出去欣赏科大嘅无敌海景，然后一家老小返屋企，一日完美嘅Family Day就完结喇！
张贴
