侘寂．鮨處 (已結業)

星期日午餐通常同家人去酒楼或茶餐厅开餐，今日老公话要去天后莲花宫西街探朋友，朋友楼下有间新开嘅日本餐厅，lunch佢食过，几ok。我哋揸车去到附近就见到有街位泊车，侧边正是 Wabi Sabi 日本餐厅。入到去见到环境都好清静、舒适，而且已经有几枱客人坐底，决定一试！原来间餐厅午市套餐星期一至日都有供应。我哋叫咗自选鱼生定食(可简一件 Toro、海胆同帆立贝), 美国安格斯牛肉定食，同豚肉生姜烧定食；D鱼生好新鲜同够份量，而牛肉亦很 juicy , 不过烧豚肉就稍为干咗少少，味道亦 ok。成个餐有前菜、沙律卷 、麺豉汤、煮蛋同甜品，食完非常满足！亚仔就加 $15 饮埋咖啡，佢话都好唔错，同coffee shop 有得比！最后埋单每人平均约 $120，计落唔使揾位同人迫，又有免费泊车，总算是个舒适又实惠嘅午餐！