宏 (已搬遷) 新店位置

一个人行街行到攰攰地，四点几打算食个tea，点知俾个吞拿鱼蓉饭吸引左，叫左个迷你三彩定食，当食个早饭啦。个定食有一碗几有诚意嘅吞拿鱼蓉饭，第一啖鱼油嘅香气配上日本米嘅烟un，已经食到想跳开心舞，奈何独自一人，将开心嘅情绪压抑下去；鳗鱼饭就麻麻地，鳗鱼竟然系干干地，有点失望；海藻面质地滑滑地配上鲣鱼汤少少昆布，好日式嘅味道。最后送上一杯茶包嘅茶同绿茶蛋糕卷，茶无咩特别，蛋糕有蛋味，但忌廉过于厚实，绿茶味唔够浓。