素食一家 (已結業)

我妈都算系一个食肉兽黎，成日叫佢食斋都唔理我，话食斋有乜好食。今日放假终于说服到佢一齐食素食，一入去被安排坐卡位，环境整洁企理，而且座位宽敞坐得舒服。🍴香煎竹笙腐皮卷 $88腐皮卷表皮咬落香脆，表层酱汁唔会太浓。内馅有竹笙、木耳丝、菇丝，食落清爽，口感丰富。🍴秘制一家莲藕饼 $85表层洒上椒盐调味，食落香脆爽口，唔觉有油腻感。两片莲藕中间夹有芋泥，外脆内软，相比夹肉更加好食。🍴笼仔云耳灵芝菇蒸猴头菇 $88本身系叫菠萝咕噜猴头菇，职员听错左变左蒸猴头菇，不过错有错著，呢道𩠌味道都唔错。猴头菇切成一片片，食落好滑，似食紧豆腐甘软腍。整体清淡中够入味，健康又好食。🥄原盅老火素汤 跟餐汤材料有雪耳、黄豆、莲藕，清清地，就算无放肉都好饮。🌼姜茶菊花 $38打开盖，一朵菊花呈现眼前，姜茶底，微辣。菊花系豆腐切成，豆腐幼滑轻甜，整体感觉古典雅致。🍦Happy Cow雪糕$38纯素雪糕都系第一次食，用椰浆、椰糖混制，再加入果酱而成，无添加人造味精、食用色素同防腐剂。简左咖啡味，食落似拖肥，但微甜，感觉食多几杯都唔会漏。经过呢餐后，妈妈食得好满意，话估唔到食斋都会好味，揾机会再带佢黎先得la。