Appendix Coffee & Bar (已結業)

同女友day off 就去左铜锣湾行下街食下野。呢间餐厅都系朋友推荐我地黎既。Appendix coffee & bar 环境真系好舒服。间格都几有私人空间，唔驶惊同人你眼望我眼。女友好钟意呢个蘑菇汤，饮落菇味香浓 ，而且仲食到一粒粒极细既蘑菇粒。正！ Honey Roasted Spring Chicken烧春鸡既蜜糖味好香，而且好有层次。食落就知餐厅既用心。烧春鸡肉质颇嫩，份量就唔算好大，不过都够食。当中既烤蔬菜我就几欣赏啦。蔬菜有薯仔,红萝卜等，每款蔬菜都好新鲜，用上烤既方法增添了蔬菜既香口同时又能保持到蔬菜既营养。意粉系芝士肉酱意粉分量都几足，岩晒我。食过好浓蕃茄酱同小蕃茄味。当中既芝士唔算太多，但胜在味浓。配上肉酱真系一流！而且肉酱料分量好足，真系啖啖肉酱呀！女友就钟意饮花茶，点了杯洋金菊。而我就比较钟意呢度既朱古力，味道香甜又重朱古力味。正！ 行开呢头都好值得再黎呢度relax下。