AFTER TEN (已結業)

元朗有好多靓cafe，教育路尤其多，今日就来到了「AFTER TEN」。餐厅以木系装潢为主调，由于时间尚早，未到午饭时间，人流唔算太多，静静地非常舒适。喜欢嘅仲可以坐吧台位，望住出面街道慢慢享受午餐。蒜油虾蚬扁意粉 :上台时已经闻到好香蒜味，扁意粉有咬口，但唔会太硬，食落味道微辣，非常惹味，虾同蚬份量适中，虾入口弹牙，无乜雪藏味，整体感觉满意。DARK MOCHA(70%) : Mocha就饮得多，Dark Mocha就真系第一次试，比起一般Mocha，味道无咁甜，朱古力味更香浓，但唔会抢晒咖啡嘅香味，配埋个靓靓拉花，令心情更好。