Wooden House (已結業)

逛街到油街，顺势食个晚饭～ 好耐无食西式菜，于是食呢间。前菜食龙虾汤配红虾刺身。龙虾汤以杯上，配有一只细虾刺身。厨师好细心，将只虾切件方便食～ 龙虾汤味道香浓出色，汤面上更有一层厚厚嘅泡沫，令汤饮落更幼滑。主食有Marinella～ 饼底够薄，够香脆，加左parma ham，水牛芝士同火箭菜，好好食～～ 即使好大个，两个女仔都仍然能够完成，仲可以食多个烤黑毛猪。西班牙伊比利牙黑毛猪配烤红椒坚果酱。落单时，侍应好细心，问我地要七成熟定全熟，提醒我地全熟，猪肉质会较韧。因为黑毛猪系谷饲，所以可以七成熟～ 咁梗系要好食嘅七成熟啦，食落仲居然入口即溶😳 惊奇好食～ 配住烤红椒酱，完全唔辣但香口，更惹味好食😋食饱饱唔少得甜品～ 甜品嗌两个，朱古力窝夫同云呢嗱窝夫加 gelato～ Gelato 有四款口味，都系店手造～ 我地拣左杂莓味～ 甜甜嘅杂莓gelato, 配埋窝夫一齐食，刚刚好～