Hunky Dory

营业中

休息中

午餐喺科学园食，呢间餐厅平时好多人排队，今日见到冇乜人，一于去试吓。我哋拣咗一个近室外嘅位，望住出面一大片草地，真系好舒服。午餐都好多选择，有韩式又有西式。我哋嗌咗一个韩式牛肋条饭，牛肋条炆得好淋，好入味。用嚟配饭一流。另外叫咗一个鲈鱼配蕃茄青口汁，呢个好鲜味好惊喜。嗌咗一个鱿鱼圈做小食，炸得好靓份量好大好抵食。不过唔知系咪唔记得落盐，冇乜味。甜品我哋拣咗一个咖啡味嘅芝士蛋糕，好好食。不过个饼底有啲太厚。