盤子工房 (建生商場) (已搬遷) 新店位置

今日难得入到嚟屯门, 一于嚟试下呢间一直好想试嘅cafe!装横以木系家私同埋植物做装饰，坐得好舒服，好有休闲嘅感觉～ 🥗Big Breakfast 盘子大早餐（$118）真系好丰富!！有加咗芝士喺面焗嘅蕃茄， 黑松露炒蛋， 烟肉， 香肠， 大啡菇，沙律菜， 烟三文鱼，菠菜芝士薯仔波， 仲有牛角包窝夫！样样嘢都即叫即做 ，一啲都唔马虎架！特别钟意个菠菜芝士薯仔波同埋牛角包窝夫！ 平时嘅all day breakfast都系食开普通薯饼， 呢度嘅薯饼有菠菜喺入面连埋忌廉好夹！（ 后来我发现原来呢个菠菜芝士薯仔波可以另外散叫小食， 睇嚟呢个薯仔波应该系佢嘅特色食品）牛角包窝夫外层香脆，咬落有层次感， 少少枫糖酱既甜味， 唔会好多好甜，啱啱好！☕Orange Mocha （$50）一黎到就忍唔住试咗一啖先，好香橙皮嘅香味， 有少少朱古力碎，啲奶打得好滑！ 咖啡同埋都好融合， 少少甜，但唔会好过份（ 本身我都好怕甜既咖啡）。 饮多几啖食埋个橙干， 少少酸又有啲甜，几清新， 又唔会好硬咬唔到痴牙～真心赞！ 💡餐厅只收现金💡餐厅keep住好多客，要拎飞等位 值得翻桌！下次黎试下斋啡先！