意粉 360 (已結業)

今日又嚟新都城揾食，下午茶时间人流疏落，见到SPAGHETTI 360门口个下午茶餐牌有我最LIKE嘅酥皮汤，决定试吓佢实力。TEA SET都几多选择，但我一心想食酥皮汤，而且MENU有详细介绍酥皮嘅起源，令我更想食，就点咗肉酱意粉配酥皮汤跟热咖啡。($52)蘑菇忌廉酥皮汤酥皮汤即叫即焗，酥皮外层松脆，内层软熟，汤底够热，有蘑菇香，水准以上，将一片片酥皮连汤饮，虽然明知肥爆，都忍唔住成碗饮晒。😋肉酱意粉肉酱煮得JUICY,香叶味够抢，而且蕃茄味浓，但可惜意粉未够干身，上碟后出水，稀释咗个肉酱，而且粉条太湿易断，影响咗整体评分。即磨咖啡都系啡机出品，但要赞伴碟块曲奇，有外国FEEL,可作为甜品😆以下午茶而言可以性价比甚高，但观乎意粉处理手法，就令我对正价时段有所保留，希望下次试晚饭可见识餐厅真正实力。