影片
更多
2011-02-27
1 浏览
今日lunch冇乜胃口，行过朗豪坊，见到呢间都唔算太肥腻，又唔使等位，就入咗来。坐低当然问waitress攞set menu啦。答曰：“周末冇lunch set”。是为第一悲。ok fine，为咗同老婆过个愉快下午，于是调整下心情继续睇下个餐牌有啲咩好食。原来套餐都系有既，此为一悲一喜。悲系套餐要加$42，而且餐汤同沙律二选一；喜系原本单嗌饮品就要成40。最后叫咗：北海道蟹柳焗饭升级套餐（餐汤+白朱古力Mocca），松露乜乜Pizza（唔记得咗个名），心太软遇上芒果（好似系咁叫既）。写完o野紧系问waitress要杯暖水啦。答曰：“水净系得支装既”，并手指餐台中间的一支樽装水。我哋望一望个支$16既“神仙水”，异口同声道：“唔使了”。是为第三悲。呢个时候我好后悔行咗入来，搞到原本大家靓靓既心情都晴转多云，就快变阴了。不过老婆大人仲可以发挥大慈悲的本色：“且睇下佢哋究竟有乜能耐可以咁巴闭”。最终既结果就系：食完所有o野，我都可以顺返条气，平静地买单。以下系几大惊喜：1）松露乜乜Pizza。50几蚊当然唔会预佢有成片松露，不过啲松露香味都系非常浓郁，估计系用咗上乘松露汁。但估唔到既系配上W
坐低当然问waitress攞set menu啦。答曰：“周末冇lunch set”。是为第一悲。
ok fine，为咗同老婆过个愉快下午，于是调整下心情继续睇下个餐牌有啲咩好食。原来套餐都系有既，此为一悲一喜。
悲系套餐要加$42，而且餐汤同沙律二选一；喜系原本单嗌饮品就要成40。
最后叫咗：北海道蟹柳焗饭升级套餐（餐汤+白朱古力Mocca），松露乜乜Pizza（唔记得咗个名），心太软遇上芒果（好似系咁叫既）。
写完o野紧系问waitress要杯暖水啦。答曰：“水净系得支装既”，并手指餐台中间的一支樽装水。我哋望一望个支$16既“神仙水”，异口同声道：“唔使了”。是为第三悲。
呢个时候我好后悔行咗入来，搞到原本大家靓靓既心情都晴转多云，就快变阴了。不过老婆大人仲可以发挥大慈悲的本色：“且睇下佢哋究竟有乜能耐可以咁巴闭”。最终既结果就系：食完所有o野，我都可以顺返条气，平静地买单。
以下系几大惊喜：
1）松露乜乜Pizza。50几蚊当然唔会预佢有成片松露，不过啲松露香味都系非常浓郁，估计系用咗上乘松露汁。但估唔到既系配上Wasabi味沙律酱味道系非常夹。
2）蟹柳焗饭既蟹柳非常可口，可能真系北海道长脚蟹（不过只得2条）。
3）白朱古力Mocca，有种特别香味，比一般普通Mocca好饮。
4）最后不得不提的就系“心太软遇上芒果”。平时我同老婆都中意食心太软，但系今次好特别。上碟时心太软浸在芒果汁中，切开薄薄的外壳，中间暖暖笠笠既朱古力慢慢流出来混入芒果汁中。朱古力和芒果的结合非常完美，甜而不腻，如果你中意食甜品就绝对要试一试。
最后总结：
如果你对服务冇太高要求，只系追求美食既话，呢度都算一个OK既选择。不过切记来之前要饮多啲水！
张贴