影片
更多
2018-02-14
805 浏览
我经过「Cozy Corner 」已经好多次，又适逢情人节将至，又唔想情人节当日食贵餐，就选择咗提早庆祝，今年就拣咗嚟呢度庆祝。 一入到餐厅，好有欧陆色彩，简约嘅装饰，以白色同Tiffany blue为主调，天花一盏水晶灯，加上少许圣诞波波点缀，简单得嚟带点优雅，为食客提供了一个舒适又放松嘅环境用膳。一坐下，待应生给我们每人一部平板电脑，用电子餐牌够晒环保。我们点了一份晚餐，有牛扒同银雪鱼选择，我拣咗牛扒，另外加了西班牙乳猪，睇过之前食家comment，评语好高，所以一定要试吓，只Order主菜或意粉加$98就可享用餐汤或沙津，餐饮及甜品。头盆有《香煎法国鹅肝配乳酪及份子黑醋珍珠》 ，卖相好吸引，酒杯型器皿装有四片鹅肝，加埋好多粒黑珍珠， 下层就系乳酪，首先试试煎得金黄色嘅鹅肝，一啖一口，外脆内软，真系食完想再食，至于黑珍珠，厨师用份子料理手法处理，将黑醋变成珍珠形状， 口感似食日本大粒鱼籽咁，一咬落去 「卜」一声，D黑醋汁漏出嚟，黑醋同乳酪嘅酸正好中和了鹅肝嘅油腻感，而且发挥了前菜嘅作用，帮你打开了味蕾。 《份子料理番茄及茄子沙律》望落似煎咗外层嘅吞拿鱼，其实外层系茄子，馅料就系番茄
一入到餐厅，好有欧陆色彩，简约嘅装饰，以白色同Tiffany blue为主调，天花一盏水晶灯，加上少许圣诞波波点缀，简单得嚟带点优雅，为食客提供了一个舒适又放松嘅环境用膳。
一坐下，待应生给我们每人一部平板电脑，用电子餐牌够晒环保。
我们点了一份晚餐，有牛扒同银雪鱼选择，我拣咗牛扒，另外加了西班牙乳猪，睇过之前食家comment，评语好高，所以一定要试吓，只Order主菜或意粉加$98就可享用餐汤或沙津，餐饮及甜品。
头盆有《香煎法国鹅肝配乳酪及份子黑醋珍珠》 ，卖相好吸引，酒杯型器皿装有四片鹅肝，加埋好多粒黑珍珠， 下层就系乳酪，首先试试煎得金黄色嘅鹅肝，一啖一口，外脆内软，真系食完想再食，至于黑珍珠，厨师用份子料理手法处理，将黑醋变成珍珠形状， 口感似食日本大粒鱼籽咁，一咬落去 「卜」一声，D黑醋汁漏出嚟，黑醋同乳酪嘅酸正好中和了鹅肝嘅油腻感，而且发挥了前菜嘅作用，帮你打开了味蕾。
香煎法国鹅肝配乳酪及份子黑醋珍珠
10 浏览
0 赞好
0 留言
《份子料理番茄及茄子沙律》
望落似煎咗外层嘅吞拿鱼，其实外层系茄子，馅料就系番茄，番茄食落口带有少许沙冰，口感完全唔似蕃茄，如果唔睇个名，应该未必估到系咩材料做的。
份子料理番茄及茄子沙律
17 浏览
0 赞好
0 留言
餐汤有《黑松露牛肝菌蘑菇忌廉汤 》&《青豆蓉忌廉汤》，当黑松露汤送到时，已闻到香浓嘅黑松露味，个汤又香又滑，黑松露加上忌廉简直系绝配；另外，青豆蓉忌廉汤都有浓浓嘅青豆味，入口顺滑;随汤附上嘅蒜茸包好香囗，蒜茸味充斥满口。
黑松露牛肝菌蘑菇忌廉汤
24 浏览
0 赞好
0 留言
青豆蓉忌廉汤
17 浏览
0 赞好
0 留言
《自家制法国覆盆子雪芭》
品尝完浓味嘅蒜茸包同汤后，系时候要清清味蕾去迎接主菜，呢个系餐厅自家制嘅覆盆子雪芭，枣红色嘅雪芭，睇到时已经不其然分秘好多口水，果然食落口酸酸的，可以清除口内嘅蒜茸味，亦可以醒胃。
自家制法国覆盆子雪芭
6 浏览
0 赞好
0 留言
叫了《美国安格斯特级黑毛西冷牛扒配伴时令蔬菜，松露烧汁》做主菜，我点了7成熟，块西冷煎得刚好，西冷只用了少许盐作调味，先试一口唔点汁，外面有焦香味，加埋好丰富嘅肉汁，就咁食都已经好好味，再试点埋个松露烧汁，又系有好浓嘅松露味，加汁同唔加汁，各有各好味，不过本人就喜欢唔加汁，更能食出牛扒本身嘅肉味。
美国安格斯特级黑毛西冷牛扒配伴时令蔬菜，松露烧汁
12 浏览
0 赞好
0 留言
再来一个《烧西班牙乳猪伴薯角配苹果蜜桃酱》，好期待嘅乳猪嚟喇，卖相好吸引，食指大动，今次我先试了个苹果蜜桃酱汁，好清香，甜甜的，再试一件乳猪，肉质好嫩滑，仲有肉汁，唔会干争争，不愧系真乳猪, 好嘢梗系留到最后品尝啦，轮到块乳猪皮，薄薄的，没有半点多余脂肪，食落口似食薯片咁脆，卜卜声，唔单只脆口，而且有阵烟薰味，好食到停唔到口，绝对做到皮脆肉嫩嘅效果。
烧西班牙乳猪伴薯角配苹果蜜桃酱
6 浏览
0 赞好
0 留言
餐飮， 我哋叫咗《伯爵红茶 》&《冻柠檬茶》，用上川宁红茶包, 有品质保证。
再上美味甜品 《焗柠檬芝士饼》& 《绿茶芝士饼》，柠檬芝士又是另一绝配，柠檬嘅酸中和了芝士嘅腻，呢款芝士饼质地结实, 柠檬味颇突出, 但唔会过酸, 味道调得刚好, 食完一D都唔会觉得腻, 作为一顿晚餐嘅终结是最佳。
绿茶芝士饼有清新嘅绿茶清香，芝士够滑口，相比柠檬芝士饼，呢款较软滑，本身系绿茶迷，所以会比较喜欢呢款。
焗柠檬芝士饼
8 浏览
0 赞好
0 留言
绿茶芝士饼
15 浏览
0 赞好
0 留言
PS. SET DINNER 菜式配搭得好好, 设计同安排好有心思，个人最欣赏嘅系烧西班牙乳猪伴薯角配苹果蜜桃酱，回味无穷 !
张贴
