品川日本料理 (已結業)

今日约朋友仔一齐食饭，大家都想食放题，之后其中一个朋友就介绍呢间新开既放题餐厅！一入到去环境非常宽敞，坐位都好阔落，最特别系佢真系好有日式餐厅既感觉，有几间房系和式房，坐软垫同要除鞋入去既，相当有风味！净系个环境都抵食啦😆👍🏻👍🏻野食方面，鱼生真系无得输！好新鲜，而且好有鱼味，个人特别推介三文鱼，帆立贝同甜虾刺身！帆立贝下大大粒又新鲜，厚切三文鱼食落似鱼排而且唔肥利（不过注意三文鱼的确切得唔薄，特别女仔可能好易饱)😂另外牛肉蛋锅都高度推介，半生熟肥牛片浸住热汤呈上，几分钟后热汤浸到肥牛片刚刚熟，食落十分嫩加埋只生生地蛋，完美配搭！！炸物都有惊喜，炸鲜奶同炸榴连都好好食，高度推介！总括而语，绝对系可一可再既日式放题餐厅！高度评价！😋😋