山野日本料理 (已結業)

情人节出街食饭真系好灰，因为无book位食野，想食好少少嘅餐厅，间间都系得超贵嘅情人节餐，最后行到黎呢间放题，食之前已经话无最易返本嘅海胆同和牛供应，咁都算啦照食。入到去环境都几阔落，坐底即时画左好多野。首先上左盘好靓嘅刺身，都算新鲜，另外仲有啲小卷物，都几好味，不过惊饱就唔叫咁多饭类啦。之后黎左碟炒金菇，细到眼都突埋，唔洗两啖已经食哂。之后黎第二轮刺身，同第一轮相比细劲多，最不满系啲串烧同肉类，催咗四五次都未出到，真系火都黎，最后又连出两盘，激死，不过好在味道ok。总体黎讲食物种类太少，每页得4款左右可以拣，仲要好多都无供应。