URA Japanese Delicacy (已結業)

原来唔觉唔觉已经写左100篇，确实系值得纪念，系依个时刻又咁岩情人节，我就拣左依间餐厅食，贪佢地点就脚。其实之前黎依度食过lunch，个阵时感觉就一般，但今次黎食夜晚就有完全唔同既体验，值得推介。情人节我地都准时收工，所以都早食，黎到我地系第一pair入黎食既。本身以为会有情人节特别menu，但佢又无同埋无加价，非常好。夜晚menu真系丰富好多，都几多选择。寿司刺身，热食、串烧、天妇罗等等。全部都好吸引，叫左个寿司set，鱼生好新鲜，就算系赤身都唔腥，入口即溶，价钱系贵D但都物有所值。仲有串烧都好好味，推介烧五花腩，半肥瘦既猪肉烧落好香口，而且佢地都有调过味，几好食，我最后仲encore左一次。另外亦有叫黑松露玉子烧，好香黑松露味，系一个唔错既小食。天妇罗炸得香口。和牛寿喜烧都唔错，寿喜烧汁够甜，牛肉都嫩滑。埋单接近800, 大时大节食物质素ok，值得夜晚黎。