Undici

营业中

休息中

呢个系chef's choice黑松露味适中，有香味，唔会盖过其他食物嘅味道。意粉软硬度适中，唔会腍啤啤，又唔会好硬。但整体嚟讲成碟意粉味道偏淡。原来猪手下面有饭，但佢加咗蒜头，令唔食蒜头嘅我觉得有阵味。猪手煮得好腍，唔会好似传统德国咸猪手咁干咁硬，配咗日式烧汁，味道几香。但食落有啲似泰式卤水猪手，所以个味道唔会令人觉得特别。不过日式烧汁配埋个饭估唔到几夹几好味，将猪手味带咗落个饭度。整体嚟讲系好食易入口。加$48 就有餐汤餐饮同蛋糕我哋拣咗呢个朱古力芝士蛋糕，系成餐饭最钟意！呢个蛋糕嘅朱古力味好浓好出，食耐少少仲有阵阿华田味道，又唔会盖过芝士蛋糕嘅味，两者嘅味道好夹。