Arte by Padaria

营业中

休息中

今日经过海港城嘅时候见到呢间Arte by Padaria，原来佢除咗K11 Artmall之外仲有喺海港城开咗。除咗有主打香港首创咸甜点艺术品法式可颂夹心球之外，仲有手工创意曲奇。不过我就俾佢嘅创意慕丝挞系列吸引咗，因为真系整得好靓就买咗两件。🌹迷你歌剧 咖啡朱古力歌剧蛋糕应该系因为情人节嘅关系，所以加咗一朵玫瑰糖花喺上面好靓。Opera cake 睇佢个外表都知道有六至七层，有咖啡mousse、朱古力同埋蛋糕layer。一食落去会食到少少咖啡嘅苦涩味又有朱古力嘅甜味，再加上湿润质感嘅蛋糕系多重口感。❤️唯一的爱 法式苹果杏仁挞睇个名都知道一定系男朋友送俾女朋友，玫瑰花超大朵。有一层苹果粒粒嘅啫喱，再下面就系杏仁挞，唔会太甜都几好食。