影片
更多
2005-02-14
60 浏览
今日同生日一样, OT, 唔离得开湾仔区, 老公一由澳门返香港就来湾仔揾我食情人节dinner, 食饭前还讲得切近距离睇左几个于合和顶楼爆发的烟花! 好靓!!!几年前去过Amigo, 原来佢正日都系收$660一位, 好抵食. 多左人去, 就开始升价, 今年好似最少$1,000/位. 今年在湾仔过节, 就索性一身牛记加风褛波鞋, 走入据闻非常"白鸽眼"o既福临门吧! 一坐低, 望见餐牌, 系有少少窒wor~12人餐$19,000, 个人鲍翅餐$1,200/$1,900一位, 食o既野o麻...有头威冇尾阵果种, 鲮鱼球$120, 炸虾丸$160...haha, 食唔食得起同觉得值唔值系两回事. 反正早餐果$5肠粉都未落格, 决定散叫啦.先来红烧排翅2两, $300"益食家价"(可拣红烧/清汤/菜胆) 我一个人食唔哂一碗, 净2两排翅有足足一个饭碗满哂咁多(唔计汤). 我衰贪心, 将d芽菜太早放入汤, 出左少少水, 沟稀左个汁~唉~再来一个水晶炒饭(蟹肉瑶柱蛋白炒饭), 可加姜米, 但我唔食姜, 所以扫左老公少少兴 炒饭干湿适中, 上汤味浓但唔颈渴, 蟹肉及瑶柱好足料, 尤其是生拆蟹肉每粒
几年前去过Amigo, 原来佢正日都系收$660一位, 好抵食. 多左人去, 就开始升价, 今年好似最少$1,000/位. 今年在湾仔过节, 就索性一身牛记加风褛波鞋, 走入据闻非常"白鸽眼"o既福临门吧!
一坐低, 望见餐牌, 系有少少窒wor~12人餐$19,000, 个人鲍翅餐$1,200/$1,900一位, 食o既野o麻...有头威冇尾阵果种, 鲮鱼球$120, 炸虾丸$160...haha, 食唔食得起同觉得值唔值系两回事. 反正早餐果$5肠粉都未落格, 决定散叫啦.
先来红烧排翅2两, $300"益食家价"(可拣红烧/清汤/菜胆) 我一个人食唔哂一碗, 净2两排翅有足足一个饭碗满哂咁多(唔计汤). 我衰贪心, 将d芽菜太早放入汤, 出左少少水, 沟稀左个汁~唉~
再来一个水晶炒饭(蟹肉瑶柱蛋白炒饭), 可加姜米, 但我唔食姜, 所以扫左老公少少兴 炒饭干湿适中, 上汤味浓但唔颈渴, 蟹肉及瑶柱好足料, 尤其是生拆蟹肉每粒有一粒花生咁大, 好正! 一人食左2碗几.
重有半只炸子鸡, 睇落同凤城的"大线鸡"差无几, 系只鸡细种少少, 系...冰鲜鸡, 相对滑dd咁多, 但又唔及上环好彩o既炸子鸡咁滑. 最有趣系有一个"椒盐柠檬汁", 酸中带咸, 为碟鸡哂分.
成餐饭1.5小时, 有几台一家大小, 及一个叫eva的明星仔坐左"黄霑位". 讲服务, 由楼下到楼上都好nice, 冇人白鸽眼wor.
埋单时最精彩, 老公拎出信用卡时, 我"立"到有汽水及啤酒两项, 我即刻话:"e? 冇叫汽水wor!" 好彩"立"到, 因为啤酒佢收$56, 汽水$22, 加埋一近$100! 唔系咁屈嘛!Captain见状即刻话改单, 同时提议我老公改用premium埋单, 原来HSBC Premium有9折o既~咁都唔错
最后埋单$630, 抵ar, 尤其系于情人节正日.
张贴