黑木亭居酒屋 (金馬倫道)

食物质素几好，但环境有d迫，待应态度差劣，上菜速度好慢。本身一坐低叫左1份火锅同1份2贯寿司，谂住睇住份量食，唔够再加。点知洛完单等左起码半个钟都无嘢食，举手揾待应，待应一系扮见唔到，一系就话转头先。成功叫人追单啦，都要等多10分钟先有寿司食。谂住应该好快火锅都上啦，又唔洗厨房煮，点知又等左半个钟，寿司都就黎食完，再追单先至上。食物方面，12贯寿司系厨师发办，质素几好，都够新鲜，不过海胆唔啱自己口味。火锅叫左椰皇寿喜烧 A5宫崎+M7澳洲和牛宝盒，牛肉有质素好食，不过待应求其放低就走，放位都系我自己放番好，火都要自己开，感觉好差。叫做寿喜烧，但无生鸡蛋，失望。要等上晒所有𩠌要成个钟头！好几枱客人都一样情况，见到隔离枱等完仲要上错𩠌，又要等多30分钟。2个人埋单8百几，未系好饱，不过等到无心情再叫嘢食。食物ok，价钱贵，服务差，性价比低。