葫同日式燒肉 (禧利街) (已結業)

情人节同宝宝食饭，都想拣间靓少少，唔太失礼嘅。日式烧肉有我俩嘅特别回忆，所以就成为首选，研究左好几间，特别排除连锁集团之后，决定去葫同，因为睇相d 装修好似几型。由于湾仔店有min charge，所以最终book 左上环店。不过特别日子佢做两轮，1830 to 2030 & 2030 打后，所以我book 1900，都系要2030 交枱。准时去到，但由于我迟book，所以系坐bar 枱位，坐都无咩问题，但无位俾你摆背包同袋就烦d，不过佢都几好，主动帮我雪住件蛋糕。另外见佢都好有人情味，隔离个女仔，一真坐喺到等左男朋友成个钟，店员都无催佢落单。食物方便，几好，肉都好新鲜。其实佢d 组合好易捉，基本上系食材+椒盐/盐葱/烤肉酱，任君三选一。我地三种配料都有试，基本上系各有特式，都好味，如果一定要三选一，我会话我无咁钟意椒盐。食材方面，牛舌同牛胸脊都好正，猪五花就可以不试，另外个烧饭团都好有特色。强烈推介喜欢日式烧肉嘅你和他去试，但最好预早订位，因为真系得几张枱架咋。