Sense Dessert Cafe (已結業)

食完情人节晚饭，就上openrice睇下甜品食咩好，一search就揾到呢间份子料理甜品店。之前睇过电视介绍呢间店出名「食泥」，所以就点一个Tiramisu味既泥盆栽同埋一个「富良野牛乳抹茶布甸配红豆茸」试下。盆栽既卖相好吸引，味道方便酒味浓郁，如果钟意酒既朋友应该会好钟意呢个甜品，芝士都好幼滑，我个人好钟意佢个手指饼唔会「林晒」而且味道岩岩好。反而个人比较欣赏「富良野牛乳抹茶布甸配红豆茸」，抹茶布甸既密度相当高，食落去有颇浓既绿茶香味，布甸本身质感唔会太软同散，个人认为系我食过既布甸中最好食，布甸表面有许黑糖浆中和绿茶既味道。再配唔系好甜既红豆茸，配合度可以话系100%。