Plato Cafe & Bistro (吳松街)

本来见间餐厅有好多好评，去到得$398情人节set，咁样都算，心念食物质素如果好嘅都值，点知黎嘅第一道菜已经觉得难食，即系头盘个沙拉，草腥味极重，同埋发现沙拉堆入面有朵黄色小花，真系顶唔顺🤦🏻主菜叫左个青口虎虾意大利饭同埋牛扒，先讲青口唔新鲜，然后虎虾煮到过熟，肉质已经老晒，食落完全唔值系依个价格，再讲牛扒好细块，明明叫七成熟，但系上到黎就一边好生一边好熟，真系不知所谓，仲有一杯冻朱古力同埋培茶鲜奶，两杯嘢饮味道极淡。最后就到甜品，选择左cheese cake，好似商场买返黎嘅轻乳酪蛋糕，即系唔系餐厅整，成餐饭都唔值$911，真系当买个教训，依间餐厅冇下次。