The Luxe Seafood Bar & Resto (已結業)

今年情人节同HONEY 去左朗豪坊The Luxe Seafood Bar & Resto庆祝。上到去周围都好多人，好彩HONEY醒目一早就订左枱，唔洗等^_^。餐厅门口华丽及古典，入去坐低叫左个2人情人节餐$1188有6个COURSE，以呢日嚟都唔算贵。先来一个小食「意式烤面包」面包上海胆牛油加埋鱼子酱，好味，感到好开胃。Appetizer有「焗蚝」，一心以为同平时差唔多咁，呀，原来半生熟，有4 只每人2只。跟住食First course「Breakfast In Bed」，晚上食早餐，感觉好奇怪，味道还OK, 不过我地就唔系太钟意。Second course 有「海胆蓝蟹肉宽长蛋面」，蓝蟹肉加海胆酱及秀珍菇配上宽条面，口感鲜味丰富，宽面上嘅白汁入口味道浓香充足，食落唔觉腻，值得一赞。哗…终于到主菜出场啦，我地选择咗「和牛西冷扒」，和牛味浓，肉质鲜嫩，配上香浓松露薯蓉，两者恰到好处。最后食埋甜品「Crème Brûlée」，HONEY 话呢餐饭好满足….我谂下次会试下佢地嘅海鲜，因为见到门口有个SEAFOOD BAR 有多款新鲜生蚝﹑龙虾﹑车厘蚬等等。总括嚟讲，价钱同食物质数成正比。