影片
更多
2019-04-13
208 浏览
收工同同事約食飯，上網search到呢間韓讚。喺銅鑼灣果頭，見近近地幾方便去就食呢間啦。入到餐廳店面其實望落幾舒服，門口位仲有幅牆掛住好多情侶鎖，應該係有得賣的，比啲情侶掛。不過我哋兩個大男人就唔搞呢啲嘢啦。我哋坐個位後面有幅牆畫咗好多粉紅系+情侶Feel嘅圖畫，閨蜜情侶嚟食真心可以周圍影下相打下卡咁。一坐低店員先送上一碟仔小菜，個人最鍾意食泡菜。睇Menu叫嘢食先～～～一打開menu就比我見個韓式烤肉拼盤：豬、牛、雞！哇！呢個一定要食，三款肉都好正，雖然唔係落好多醬汁，但係咁樣反而可以食到啲肉香味。另外就叫咗芝士溶漿炒飯，個飯送到嚟時有驚喜。店員帶住支火槍喺我哋面前即燒一燒個飯，應該係要燒溶表面嘅芝士，等佢可以拉絲。撈勻個飯，每一羹都有拉絲，睇嚟芝士落得好足。至於我就食泡菜牛肉炒飯，由於小弟真係好鍾意食泡菜，所以叫呢個。仲有配搭一隻蛋，個飯辣度足夠，未到辣到頂唔順，但係鍾意食辣嘅人會鍾意。飲品我哋只叫咗杯朱古力恐龍，其實就係凍華田上面灑上大量阿華田粉。冇諗過又唔差喎，壓啲粉落杯嘢到飲又得一啖華田一啖粉都得。離開時發現原來從街上望去間餐廳，係有好多星星燈飾㗎！大家搵唔到間餐廳就用星星去
入到餐廳店面其實望落幾舒服，門口位仲有幅牆掛住好多情侶鎖，應該係有得賣的，比啲情侶掛。不過我哋兩個大男人就唔搞呢啲嘢啦。
我哋坐個位後面有幅牆畫咗好多粉紅系+情侶Feel嘅圖畫，閨蜜情侶嚟食真心可以周圍影下相打下卡咁。
一坐低店員先送上一碟仔小菜，個人最鍾意食泡菜。
睇Menu叫嘢食先～～～一打開menu就比我見個韓式烤肉拼盤：豬、牛、雞！哇！呢個一定要食，三款肉都好正，雖然唔係落好多醬汁，但係咁樣反而可以食到啲肉香味。
另外就叫咗芝士溶漿炒飯，個飯送到嚟時有驚喜。店員帶住支火槍喺我哋面前即燒一燒個飯，應該係要燒溶表面嘅芝士，等佢可以拉絲。撈勻個飯，每一羹都有拉絲，睇嚟芝士落得好足。
至於我就食泡菜牛肉炒飯，由於小弟真係好鍾意食泡菜，所以叫呢個。仲有配搭一隻蛋，個飯辣度足夠，未到辣到頂唔順，但係鍾意食辣嘅人會鍾意。
飲品我哋只叫咗杯朱古力恐龍，其實就係凍華田上面灑上大量阿華田粉。冇諗過又唔差喎，壓啲粉落杯嘢到飲又得一啖華田一啖粉都得。
離開時發現原來從街上望去間餐廳，係有好多星星燈飾㗎！大家搵唔到間餐廳就用星星去辨認啦！
张贴
