原居民 (已結業)

今日系红磡附近上堂，放学之后，有个同学推介一间西餐厅，所以一齐行过去食，由学校行去都系10分钟度，如果由佐敦地铁站行去，仲快，大约5分钟就到，地点都算方便。餐厅算好大好舒服，色调以白色为主，感觉简约清新，而且背景音乐柔和，感觉非常舒服。侍应亦都非常有礼貌，而且好细心，非常值得一赞👍 Torstitos with salsa 粟米片好香脆，salsa 带少少辣味，又有新鲜蕃茄蓉，酸酸辣辣，又好清新，非常开胃火箭菜鲜芒果汁伴虎虾沙律平时唔系好钟意食火箭菜，因为味道比较浓，不过原来火箭菜配新鲜芒果汁系好好味，清甜既芒果汁加上火箭菜既味道，恰到好处，而且芒果非常鲜甜多汁，虎虾鲜甜弹牙，又有肉感，好好味炭烧美国顶级安格斯肉眼扒配黑椒汁未放上枱已经闻到好香，肉眼扒非常多汁，极为juicy，而且牛肉汁味道好香浓，唔加黑椒汁，牛肉味好浓好香，伴菜用豆苗炒菇，非常好味，豆苗好鲜嫩，好有口感Tiramisu一睇个卖相就知道好食，意大利芝士蛋糕好香滑，咖啡味好香浓，芝士味亦都好浓，而且唔系好甜，好正卖单每人大约$300，好似有少少贵，但系食物质素好高，绝对值得！