影片
更多
2023-12-17
1256 浏览
其实同好多人一样，被E神吸引，慕名而去，当然仲有CNN𠮶篇报导，因为我本身系港式奶茶迷。。。OK入正题。我哋两个人点了的东西逐样点评：1. 热奶茶$20: 大哥递埋嚟倒咗几啖落枱，冇俾纸巾擦番，要自备纸巾吸番干净个杯底。讲番杯茶先，冇乜茶香，有明显涩口感觉。小弟从小学开始饮港式奶茶30年，过百间就一定有，呢杯只能算系中等水准。为饮杯好奶茶嘅，其实去大快活同麦当劳仲好啦。2. 冻奶茶(少甜)$22：绝对冇做到少甜，所以都几甜下，茶味同热的差不多，冇咁涩，但都系冇咩茶香的，甜味掩盖一切，似饮奶糖水。3. 咸牛肉蛋三文治(烘底)$15：面包入口好松脆，烘得有点偏干身，味道冇咩问题，几好。问题系：蛋同咸牛肉真系少到离晒谱，大概就3-4mm厚，蛋好薄，好少咸牛肉，所以冇咩咸牛肉味。4. 猪扒一丁面$30: 猪扒份量足，味道亦唔错，带些少肥肉香，唔会干柴，味道唔知点形容，有啲黑椒汁味嘅感觉。至于个面，真系一言难尽，同之前某啲师兄评价一样，系未煮够时间就上，个面最多煮咗分半至两分钟，面条未煮熟晒仲白白哋，另外一碗(5)都系咁。冇一丁嘅味粉香，亦冇蔴油香，不过枱面有一支蔴油俾你自己落到够，但一丁个味粉
我哋两个人点了的东西逐样点评：
1. 热奶茶$20: 大哥递埋嚟倒咗几啖落枱，冇俾纸巾擦番，要自备纸巾吸番干净个杯底。讲番杯茶先，冇乜茶香，有明显涩口感觉。小弟从小学开始饮港式奶茶30年，过百间就一定有，呢杯只能算系中等水准。为饮杯好奶茶嘅，其实去大快活同麦当劳仲好啦。
2. 冻奶茶(少甜)$22：绝对冇做到少甜，所以都几甜下，茶味同热的差不多，冇咁涩，但都系冇咩茶香的，甜味掩盖一切，似饮奶糖水。
3. 咸牛肉蛋三文治(烘底)$15：面包入口好松脆，烘得有点偏干身，味道冇咩问题，几好。问题系：蛋同咸牛肉真系少到离晒谱，大概就3-4mm厚，蛋好薄，好少咸牛肉，所以冇咩咸牛肉味。
4. 猪扒一丁面$30: 猪扒份量足，味道亦唔错，带些少肥肉香，唔会干柴，味道唔知点形容，有啲黑椒汁味嘅感觉。至于个面，真系一言难尽，同之前某啲师兄评价一样，系未煮够时间就上，个面最多煮咗分半至两分钟，面条未煮熟晒仲白白哋，另外一碗(5)都系咁。冇一丁嘅味粉香，亦冇蔴油香，不过枱面有一支蔴油俾你自己落到够，但一丁个味粉呢？
5. 红肠太阳蛋一丁面$24: 红肠三旧够晒厚，食落都几满足！蛋冇咩好讲，煎得几靓。至于面就同上面(4)嘅问题一样，唔重覆了。两碗面都有搭些少生菜，系好事嚟。
6. 净鸡翼(一碟)$36: 鸡翼味道唔错，唔系纯粹嘅豉油鸡汁焖，有点葱油香味。鸡翼已经做到差不多入口就骨肉分离，冇雪水味，中上。
总结：茶档生意几好，一早去都要排成半个钟先有得坐低叫嘢食，可惜等待并没有换来预期中的食物质素。老板平时都好钟意上IG分享，假如你睇到呢个食评，希望你review下你餐牌上每一样食物同饮品嘅水准，始终好味先有回头客，卖情怀就只得一次。
红肠鸡蛋面
$36
209 浏览
0 赞好
0 留言
猪扒面
$36
262 浏览
0 赞好
0 留言
净鸡翼
$36
351 浏览
0 赞好
0 留言
张贴
