金華冰廳

营业中

休息中

香港嘅茶餐厅，主要都系分为两大种，一种系装修懒靓但收中价嘅价钱，另一类就系一种好噏耷嘅环境，但系主打情怀但仍然都系收中价嘅价钱。金华茶餐厅，就系主打后者啦。你入到去就千祈唔好要求啲乜嘢特别嘅Service，明白香港饮食文化嘅就知道，茶餐厅本身，就系一种原本服务比较草根既饮食文化，食个快餐，饮杯奶茶，快快上班，呢个就系传统旧式茶餐厅所传承嘅文化。佢哋嘅蛋挞，曲奇饼底，够热亦都唔太甜，食落有一种港式情怀嘅味道。佢哋奶茶非常之传统，虽然我𠮶日order嘅系冻奶茶少甜，但系呢种冻奶茶嘅味道，相当之好饮。其他嘢， keep住一般茶餐厅嘅，水准不过不失啦。最后，旧式茶餐厅嘅特色，就系位于特别窄，伙计服务特别燥，正正就系呢一种唔打唔舒服嘅服务精神，成全左香港狮子山下嘅独有精神。𠮶啲声称茶记冇质素服务又差果啲美食家，想要服务嘅话，建议你上桥转弯，去新世纪广场，旺角旧式嘅茶记唔会啱你。