影片
更多
2018-08-20
9490 浏览
有套经典电影「时光倒流八十年」，详情就唔讲，反正上网揾揾就知。嚟六国酒店，唔多唔少有种时烧倒流嘅感觉，六国查实有超过80年历史，多年无嚟过，对上一次嚟Le Menu食自助餐已经喺2013年嘅事。佢哋定价向来都大众化，𠮶时嚟收$258（星期一至四，无加一），今趟再访，只喺收$268（星期一至四，已包加一），你话喺咪有种时光倒流吖。故此，藉暑假做借口，同一班老友嚟叹番餐。唔止个价有啲「怀旧」，仲有生日优惠，只要8位同行（只计成人），该月生日嘅客人即享免费兼送精美红酒一支，而且用餐时间由6:30pm去到10:00pm，比一般自助晚餐长多少少。入到餐厅，地方都唔细，楼底都属于高，两盏金光闪闪巨型大吊灯，喺有几分气派，现场所见，应该都全场爆满，始终咁嘅价钱食一餐自助晚餐，晌市区都真喺好难揾。不过，种类、款式就无一啲旺区嘅4、5星酒店咁多，之但喺，绝对够晒选择。由于一嚟到已好多客人，所以，都唔方便影太多食物相。果汁吧未讲食，先讲饮，因为一入门口右边放有4款任斟任饮嘅饮品，包括西柚汁、蜜桃茶、杂果宾治及橙汁，故此，先斟杯西柚汁清爽一下，话晒出面都仲喺33°C、34°C。沙律吧、冷盘近门口嘅第一组食物
唔止个价有啲「怀旧」，仲有生日优惠，只要8位同行（只计成人），该月生日嘅客人即享免费兼送精美红酒一支，而且用餐时间由6:30pm去到10:00pm，比一般自助晚餐长多少少。
入到餐厅，地方都唔细，楼底都属于高，两盏金光闪闪巨型大吊灯，喺有几分气派，现场所见，应该都全场爆满，始终咁嘅价钱食一餐自助晚餐，晌市区都真喺好难揾。不过，种类、款式就无一啲旺区嘅4、5星酒店咁多，之但喺，绝对够晒选择。由于一嚟到已好多客人，所以，都唔方便影太多食物相。
果汁吧未讲食，先讲饮，因为一入门口右边放有4款任斟任饮嘅饮品，包括西柚汁、蜜桃茶、杂果宾治及橙汁，故此，先斟杯西柚汁清爽一下，话晒出面都仲喺33°C、34°C。
沙律吧、冷盘近门口嘅第一组食物区，放嘅就喺沙律及冷盘，前者有两款沙律菜、6到7款配料、4款预制沙律及5款酱汁，阵容未算强劲，但要砌出一道开胃沙律就绝无问题。而后者则有挪威烟三文鱼、杂锦冻肠及烧牛肉薄片，用嚟拼埋啲沙律作头盘就最好不过。
小弟就钟意将沙律及冷盘样样材料加啲，喺唔记得加啲生果啫，砌成第一道「前菜」作为序幕。沙律菜新鲜爽脆，啲红菜头、南瓜好清甜，当然意大利干蕃茄喺小弟至爱之一，开开胃醒好清新。
刺身、寿司晌沙律隔离，就喺「和食」档口，是晚刺身就有立鱼、八爪鱼、仿鲍片、三文鱼、剑鱼共5款，在旁就有杂锦寿司、寿司卷，以及一啲和风冷盘小食及冷面。而且，仲不时推出迷你海鲜丼，的的骰骰。
海鲜知道收二百几蚊个自助晚餐，海鲜嘅种类就预咗唔会有太多贵嘢，如果有生蚝反而仲惊。单单只有青口、翡翠螺、长蟹脚、冻虾，阵容就肯定算唔上好吸引，不过，点都执少少嚟试试，睇吓质素喺点。
第二道「菜式」就喺海鲜拼刺身，因为海鲜及刺身种类唔多，就样样执啲试匀晒。几款海鲜中，以长蟹脚最正，厚身大只，蟹肉拆出嚟一梳梳，啖喺鲜甜蟹肉；翡翠螺嘅质素亦唔差，味道清甜，口感够爽。刺身就纯粹过吓口瘾，但质素亦唔太差。
餐汤照大多数自助餐嘅惯例，呢度一样有提供一中一西嘅餐汤，前者喺 青红萝卜煲猪骨，后者则喺英伦海鲜周打。两锅汤嘅后方仲有一大篮面包，都喺细细个嘅小圆包。
热盘挨墙嘅一组长餐枱，就摆放咗多款热盘、面档及烤肉。由于地方所限，可摆出嚟嘅热盘有限，但却见到不时换款。头头尾尾，前前后后，大概出过嘅热食包括：清蒸海上鲜、辽参虾胶扒时蔬、三文鱼蒸蛋、烤羊扒、南乳粗斋、烧味拼盘、红酒牛脷、虾胶酿节瓜、蒜蓉炒菜芯、椒盐骨、红烧乳鸽、椒盐豆腐、烤百3脾、茄汁意粉、生炒牛肉饭……等等。
烤肉烤肉方面，就只得烧西冷一款，旁边就伴有烤时蔬，除最基本嘅烧汁外，仲有3款芥辣俾客人作调味。
两道生冷嘢之后，就喺食番啲热嘢，热盘再加烧西冷，全碟都喺肉。烧西冷质素做得一啲唔差，内里粉嫩多汁，肉味够浓；乳鸽始终唔喺即炸即食，喺会打少少折扣，但仍然食到皮脆肉嫩嘅效果，只喺唔会热辣辣咁啫；至于其他嘅肉食，都做得唔错，食完碟热食，又饱多两三乘。
即煮粉面档如果食咁多嘢都唔饱，整多碗粉面就一定令你饱到足。3款汤底：喇沙、清汤、猪骨汤，4款粉面：油面、粗面、河粉及米粉，以及十多款材料任客人自选，我都记唔晒咁多，大概喺有啲菇菌、鱿鱼、牛柏叶、豆卜、芝士肠、鲜虾、鸡肉、鲩鱼片、炸鱼片、丸类、生菜、菜芯、银芽……等等。食粉面怕太饱肚，可以叫净𩠌喔。
甜品甜品区就晌一入门口左边，先见到嘅喺夏日特别推出嘅刨冰及多种配料、中式糖水、布朗尼、芝士饼、芒果慕丝、木糠布甸、法式焦糖炖蛋、牛乳布甸、茉莉花茶冻、咖啡蛋糕仔、朱古力喷泉……等等西式甜点。旁边仲有几款新鲜生果作为饭后果添。
不过，讲到最得人心，经常见到客人排队拎嘅，非新用焗制嘅窝夫同Häagen-Dazs雪糕莫属。前者不停新鲜出炉，香气四溢，仲配有多款果酱，而后者除6款基本口味外，更有两款桃味新品，绝对满足到一众甜魔。
小弟都喺嗜甜之人，早已留肚嚟一轮甜点绝杀，主要都喺拣啲合心水嘅甜点，整体嚟讲，唔可以讲喺高水准，但质素唔失礼。而配窝夫嘅雪糕，就拣咁芒果及咖啡，两款都好好味，窝夫亦脆口富蛋香。
美酒车厘子 $68餐厅最近推出咗啲经典甜品，包括：美酒车厘子（$68）、香蕉船（$78）、士多啤梨新地（$78）及士多啤梨 / 朱古力奶昔（$58），虽然喺额外「自费项目」，唔包入自助餐食物里面，不过，个自助餐咁平，夹份叫一款试试都无妨，最合心水就喺「美酒车厘子」，车厘子预先以冧酒浸咗一晚，有单时再煮至彻热，然后加上一大球云呢嗱雪糕，车厘子带有微微酒香，配雪糕一齐食，有种奶滑嘅感觉。
即磨咖啡食甜点又点可以无人杯咖啡嚟衬吓，就晌餐厅一角，设置咗咖啡机，仲有红茶、柠檬片，自由取用。
事隔多年，再嚟Le Menu，环境无乜点变，食物嘅数量亦无乜点变，但难得连价钱都无乜点变。服务亦值得一赞，收碟斟茶递水勤快，食物补充算足，唔使$300位，要食到有质有量嘅自助晚餐，城中无几架。
张贴
