翡翠拉麵小籠包 (已結業)

依家连锁嘅拉面，以前真喺亲衬过无数次！但近来太钟意试新嘢，又有太多出色嘅小店，实在忘记依家连锁嘅好出品！因为同朋友庆祝生日，所以再次光临！我哋六个人，叫咗好多嘢食！首先上咗《菜肉云吞汤》，虽然唔算好突出，但依个云吞风味依然，真喺唔差！但重点喺个鸡汤（我估喺鸡汤），味道清甜，非常吸引，仲有少少起胶嘅感觉！可见冇落味精，真材实料！好味！再嚟《水煮牛肉拉面》，一摆低已经传嚟阵阵嘅麻辣香味，非常刺激感观！牛肉唔算特别，厚度适中！但面底特别有口感，弹牙可口，好味！但汤底真喺一流，小麻辣真喺超吸引，牛肉同面都食哂之后，我仲饮咗成半碗汤！最后个咀仲有啲麻痹，真喺超好味！《酸辣汤拉面》都几好，酸辣程度唔算太出，但就到正常香港人口味，都几贴心！酸辣汤糊状就太饱肚，有少少'漏'嘅感觉！《回锅肉配薄饼》真喺几好，回锅肉少少辣，都几吊味吓！配菜生菜都几新鲜爽口，而且多油喺正常嘅做法，用薄饼夹住嚟食，依种食法都几特别！薄饼皮少少厚身，都几落粉去做，唔易烂唔易穿，咬落颇有口感！《银丝卷》就普通咗啲，我觉得似长条型的曼头，咬落几松软！如果有炼奶会更好！《豆瓣菠菜》依个几好，菠菜都新鲜，好有菜味！都几有屋企嘅感觉！依