影片
更多
2009-02-25
66 浏览
前日(23-2-09Mon)上昼原本心情好好,又见到呢间想试好耐o既卡巴,谂住放工同男友开开心心咁o黎食,点知之后接连受到两个消息,令我好灰同情绪低落,搅到唔知点好,最后都系决定同男友o黎试吓.大约近7点o黎到,都有几枱客,我o地拿拿林入去坐o系一张有三张枱o既两人枱.收银随即递上menu我o地睇,由于最主要想食卡巴,所以唔叫set dinner,我叫o左:4. $20.00o既芒果奶昔等o左阵,呢个先到,我饮吓先,哗!好浓芒果味,我饮到咀都歪埋,男友试吓,佢话好浓芒果味,正正系芒果雪糕o既味道.啊,又系㖞,但如果系奶昔,就好似差o左啲,因为太浓太杰.5. $18.00o既咸奶昔呢个系有冒险精神o既男友饮o既,佢饮o左一啖话好特别,但我应该接受唔到.我试吓,哈,真系怪怪地.男友话或者食o左下列一大埋食物后,饮呢个会同夹啲.但我试过,都系接受唔到.2. $56.00o既希腊串烧鸡沙律之后,呢个先到,鸡肉片系热o既,有两种汁o系面,同一啲类似芝士o既砖o系碟o既四角,啲汁清清地,但带少少芥辣味,OK.而芝士砖可以夹埋新鲜o既青瓜,菜同车厘茄o黎食,而鸡肉好原味,OK.1.$56.00o既羊
大约近7点o黎到,都有几枱客,我o地拿拿林入去坐o系一张有三张枱o既两人枱.收银随即递上menu我o地睇,由于最主要想食卡巴,所以唔叫set dinner,我叫o左:
4. $20.00o既芒果奶昔
等o左阵,呢个先到,我饮吓先,哗!好浓芒果味,我饮到咀都歪埋,男友试吓,佢话好浓芒果味,正正系芒果雪糕o既味道.啊,又系㖞,但如果系奶昔,就好似差o左啲,因为太浓太杰.
5. $18.00o既咸奶昔
呢个系有冒险精神o既男友饮o既,佢饮o左一啖话好特别,但我应该接受唔到.我试吓,哈,真系怪怪地.男友话或者食o左下列一大埋食物后,饮呢个会同夹啲.但我试过,都系接受唔到.
2. $56.00o既希腊串烧鸡沙律
之后,呢个先到,鸡肉片系热o既,有两种汁o系面,同一啲类似芝士o既砖o系碟o既四角,啲汁清清地,但带少少芥辣味,OK.而芝士砖可以夹埋新鲜o既青瓜,菜同车厘茄o黎食,而鸡肉好原味,OK.
1.$56.00o既羊肉卡巴(唔辣)
食食吓,呢个都到o黎,好热,但幸有钖纸包住保温,所以我o地打算食完沙律至食佢.点知中途,连芝士薯条都到o黎,薯条冇o野盖住,所以又趁热,先试几条薯条至食呢 个. 好喇,食食吓薯条返o黎食喇.
食落,羊肉完全冇膻味而且有好多,食极都食唔完,里面唔多酱,却仍有好多油滴落o黎.卡巴皮好干.呢个可以话系食原汁原味o既羊肉.
3. $45.00o既芝士薯条(唔辣)
先趁热食呢个,同样地有青色o既汁o系面,拎到埋o黎时嗅到好香薯条味,劲过爱尔兰疯薯.呢个又大大碟,又系食极都食唔完.虽然有酱汁同大量芝士(o系底),但味道仍唔太浓,最后我食到唔想食,要男友清埋.
样样食物份量都好多,真系饱到上心口.
服务:
冇问题,好有礼貌.
环境:
面积唔系好大,幸好我o地早到,坐到叫做阔落同舒适o既位,但如果同三个朋友一齐o黎,都坐得几迫吓.
卫生:
好干净企理.
呢餐埋单$195.00
张贴
