The Right Place (舊墟直街) (已結業)

入到黎就几好feel ，入面一路播住外国流行歌，有个bar台，虽然地方细细， 但应有既都有。呢到餐牌都好有特色，最钟意样样有图唔洗估！叫左个海湾虾卡拉布里亚辣香肠水牛芝士pizza，好多料好满足而且拉到丝！之后叫左个汁煮美国马尼拉鲜蚬，好惹味，本身个汁较浓，配埋附上既蒜蓉包就刚好。主食叫左个八爪鱼寛条面，个汁配埋意粉食落好creamy。个人较钟意带子意大利饭，用左咸蛋黄落西式菜原来都几好食， 几有新意。酱烤原只鱿鱼筒个酱好好味，而且食落唔un 。避风塘软壳蟹都好够味，如果作为下酒菜的确唔错。最后仲叫左甜品，creme brûlée ，仲有绿茶、朱古力心太软，做到流心效果！