影片
更多
2021-04-24
168 浏览
食好西唔一定要系正闹市既中心点先有，今次系太子地铁站沿住太子道西行入少少较静既街道上都有间情调唔错既西餐厅叫做慢煮工业，餐厅满布由霓虹灯组成嘅字句，再加上柔和嘅音乐，成个请调十分浪漫，同另一半黎食就最岩！做好安心出行同埋量体温就入座！讲番食物，薯条炸得非常脆口，即使摆左一阵都仍然保持到香脆既口感，呢样系唔易做到，另外黑松露酱既味道十分浓郁，用黎点薯条食真系一流！到主菜肉眼扒，18oz既牛扒一上枱就流晒口水，首先份量无揾笨，牛扒质地鲜嫩，脂肪比均匀，根位亦唔多，爽口唔会太烟韧。最为欣赏就系个煮法，估计系煎既过程中不停泼带有香蒜和香草嘅牛油到牛扒身上，令其味道融入牛扒当中，令牛扒味道更加突出，食出黎既口感亦更加多层次，面头既香蒜粒连埋牛扒一齐食真系好夹!再黎到法式羊架，羊架份量亦十分充足，羊肉肉质亦相当鲜嫩，脂肪比相对上会偏肥少少，但只要加上准备好既酱汁就能中和其油脂感，而且佢地系羊肉外层上加上烤香左既芝士粒，令味道唔会太过单一，最后重点系食羊肉最怕其羊既骚味，但呢块羊架骚味极轻，相信唔食羊既朋友都可以接受到！蟹饼一掂就松松地，试左一啖就知道个原因，应该系因为蟹饼落左极少既面粉，令蟹饼唔能
讲番食物，薯条炸得非常脆口，即使摆左一阵都仍然保持到香脆既口感，呢样系唔易做到，另外黑松露酱既味道十分浓郁，用黎点薯条食真系一流！
到主菜肉眼扒，18oz既牛扒一上枱就流晒口水，首先份量无揾笨，牛扒质地鲜嫩，脂肪比均匀，根位亦唔多，爽口唔会太烟韧。最为欣赏就系个煮法，估计系煎既过程中不停泼带有香蒜和香草嘅牛油到牛扒身上，令其味道融入牛扒当中，令牛扒味道更加突出，食出黎既口感亦更加多层次，面头既香蒜粒连埋牛扒一齐食真系好夹!
再黎到法式羊架，羊架份量亦十分充足，羊肉肉质亦相当鲜嫩，脂肪比相对上会偏肥少少，但只要加上准备好既酱汁就能中和其油脂感，而且佢地系羊肉外层上加上烤香左既芝士粒，令味道唔会太过单一，最后重点系食羊肉最怕其羊既骚味，但呢块羊架骚味极轻，相信唔食羊既朋友都可以接受到！
蟹饼一掂就松松地，试左一啖就知道个原因，应该系因为蟹饼落左极少既面粉，令蟹饼唔能够完完整整咁痴实一旧，咁即系你食落口就啖啖都系蟹肉，相当之满足！而佢既蟹饼当中亦沟有些少蔬菜，唔会抢走蟹肉味道之余亦能中和些少蟹肉的单调，令味道更加丰富！
张贴
