薄荷葉泰國菜

营业中

休息中

布置得非常有风味同情调嘅泰式餐厅兼酒吧，有室外同室内嘅座位供客人选择。临近黄昏，客人未算多，但系陆续有一群群三五知己或者成双嘅人光临。咖哩蟹($388)，见今日推介咖哩蟹，不妨一试。蟹非常大只同重磅，有膏有肉，蟹肉充满住咖哩味，惹味不能。而咖哩味浓郁得黎又唔辣，我地额外点咗薄饼($55/4块)，系用酥皮而成，煎得非常香脆，包住蟹肉同咖哩一齐食最正。泰式烧蚝($198/4只)，上菜后要快啲食先品尝到佢嘅鲜味，食之前可以滴几下青柠。蚝非常饱满，浓浓嘅鲜甜汁，配上微辣嘅特制酱汁，更惹味。沙嗲($108/6串)，可以拣猪鸡牛，我地点咗鸡，烧得非常香口，鸡肉入味软熟，点上酱汁更加一流，亦都可以洒少少茴香叶碎一齐食。有机蔬菜($12)，酸酸甜甜，开胃良品。