Cafe Charm's (已結業)

系红磡黄埔大船行开街，又到食饭时间。呢一带既餐厅真系各色其色咩种类都有，但系始终行左咁耐都好累啦，想食得舒服D静静地，又想有D情调。揾揾下就见到前面有间西餐厅，睇落几舒服就入去食la~~一打开个餐牌就比佢地个汉堡吸引左，基本有三种都系用和牛做既汉堡，另外仲可以加唔同既配料。一于就Order左呢个先。因为即叫即做，等左十几分钟就有得食。卖相好得意，个包滴滴色色咁，但系和牛就好有份量够晒厚。上下层当然系包啦，唔好意为包就好简单，佢地真系做得好好，因为块包真系好松脆。和牛肉汁好多，一切开时汁都流出来了。上面既芝士热得溶开左，岩岩好盖住和牛，好靓。另外追加既炸薯饼都系香脆可口。另一个主食叫左卡邦尼意大利粉配炸鸡。炸鸡份量啱啱好，不过最紧要就系炸到香口唔多油，鸡肉鲜嫩。卡邦尼汁味道够浓无话淡某某，捞埋意粉食岩岩好，条条意粉都可以食到卡邦尼既香味。食到差唔多七成饱，就叫左个甜品。店员介绍佢地既窝夫系最出名，一于就试个花样迷人窝夫配朱古力雪糕同绿茶雪糕。窝夫外形好似花朵一样，可以自己好方便咁切开一件件。每一份上面仲有新鲜既士多啤梨同香蕉生果肉，好紧要完全无用糖水，因为本身生果已经够鲜甜。中间就放上雪